ગઝલ ગમતી

પ્રીતનું સૂરીલું નજરાણું નથી,
હોઠ પર અવ ગીત કે ગાણું નથી,

સોનવરણું સાંજનું ટાણું નથી,
રાતમાં યે કંઇ ઠેકાણું નથી.

યાદને જોવા ગમે છે અશ્રુઓ
યાદને સમજાવો એ આણુ નથી

લોકલાજે એમને લેવું પડયું સાચું
આ સાચે જ ઉપરાણું નથી.

માનવીના કદ નિહાળી થાય છે
માનવીનું નક્કી પરમાણું નથી

શબ્દ ખખડાવે નહીં તો શું કરે?
કોઇની પાસે નગદ નાણું નથી,

દેવદુર્લભ દર્દની છે દેણગી,
શાયરી શબ્દોનું ઉઘરાણું નથી.

-ઘાયલ.