આ ગાયોના આંચળમાંથી બોઘરણામાં છંટાતી દૂધની સેરના સ્તોત્રો !
આ ખેતરમાં દોડવા અધીર બળદોને કંઠે રણકતી ઘૂઘરીઓનાં પરભાતિયાં !
આ સવારનું કપૂરી અજવાળુ !
આ શીતળ સમીરનો માદક ધૂપ !
આ સૂડાઓનો સ-સ્વર વૈદિક મંત્રોચ્ચાર !
આ ગૂપચૂપ ટૂંટિયું વાળી આવી બેઠેલા સોનવર્ણી સૂરજદેવ !
આ ભટુરિયાંઓનાં ભમરડાઓનાં ગુંજારવની ધૂન !
આ સધ્યસ્નાતા હર્યા ભર્યા લાલિત્યની દીપશિખા !
ઘણાં વર્ષો પછી હું મારા ઘરની હૂંફ માણી રહ્યો છું.
-જયદેવ શુક્લ
No comments:
Post a Comment