આંખોમાં રોપ્યા તે લીલુડાં સપના
ને પાંપણે મૂક્યા પહાડ
જંગલો વિસ્તર્યા છે ભીતરમાં એવા કે
છાતીમાં પડી ગઈ તિરાડ
આંખોમાં રોપ્યા તે લીલુડાં સપના
છાતીમાં પડી ગઈ તિરાડ
ખંડેરમાં પડઘાતું મારું એકાંત ને
પડઘે થરથરતાં કાંટાળાં ઝાડ
વાત તારી માંડે જ્યાં મૂંગા પથ્થરો
તૂટતી જાય એકએક નાડ
આંખોમાં રોપ્યા તે લીલીડાં સપના
ને છાતીમાં પડી ગઈ તિરાડ
હૈયા સરખો ચાંપી દે મને
વરસાવી દે સઘળા વ્હાલ
કાળા વાદળની છાતી ચીરીને
પછી આંજી દે ઉજળો ઉઘાડ
આંખોમાં રોપ્યા તે લીલુડાં સપના
ને છાતીમાં પડી ગઈ તિરાડ
-બાબુ ઉફેઁ બીમલ દેસાઈ, "નારાજ".
(ગુજરાત પોલીસ દળ કર્મચારી).
No comments:
Post a Comment