Saturday, January 13, 2007

એક છોકરીના હાથથી રૂમાલ પડે

એક છોકરીના હાથથી રૂમાલ પડે,
તે લેવા આખું યે ગામ વળે નીચે
જુવાન આંખ ફાડે ; બુઢ્ઢાઓ આંખ મીચે.

નામ કોનું રૂમાલમાં આ છોકરીએ ભર્યું છે ,
તે બાબત પર ઠેર ઠેર ગરમી.

પડ્યા ગામના બગીચાઓ ખાલી કુંજાર,
અને નાસ્તિકો થઇ ગયા ધરમી,
કારણ કે મંદિરે જાય છોકરી તો લોક શું કરવા ટળવળે બગીચે ?


ગંધ છોકરીની આવી જે જીવને ,
તે જીવની ગંભીરતામાં પડી ગયો ગોબો,

સહુ છોકરાને અરીસાઓ ઠપકો આપે કે ,
જરા મોઢાંઓ માંજો ને શોભો !
કારણ કે ફળિયાના હીંચકે આ છોકરી એકલી બેસીને રોજ હીંચે.


-રમેશ પારેખ.

3 comments:

Urmi said...

એક છોકરી વિશેની વધુ રચનાઓ માણો... 'સહિયારું સર્જન' પર...
http://sarjansahiyaaru.wordpress.com/2007/01/13/sankaleet_ek_chhokari/

Welcome to the Gujarati blog jagat!!

Riya said...
This comment has been removed by the author.
Riya said...

Hahaha...

Juwaan aankh faade... budha aankh miche..

haha